काठमाडाैं, २० भदाै । सिटिजन्स बैंक इन्टरनेसनल लिमिटेडले लुम्बिनी प्रदेशमा “लिडरसिप फर ट्रास्फर्मेसन इन् लुम्बिनी: अ सेमिनार अन् ड्राइभिङ्ग पर्फरमेन्स एण्ड रिजनल एक्शिलेन्स” कार्यक्रम आयोजना गरेको छ।
सेमिनार बैंकका प्रमुख कार्यकारी अधिकृत गणेशराज पोखरेल, नायव प्रमुख कार्यकारी अधिकृत र वरिष्ठ कार्यकारीहरूको उपस्थितिमा सम्पन्न भएको हो। कार्यक्रममा गत आर्थिक वर्षको कार्य प्रगति समिक्षा र चालु वर्षका प्राथमिकताहरूमा छलफल गर्दै केन्द्र र प्रदेशबीच सहकार्य सुदृढीकरणमा गहिरो अन्तरक्रिया भएको छ।
यो सेमिनार हालै अन्य प्रदेशमा आयोजना गरिएका यस्तै कार्यक्रमहरूको निरन्तरता स्वरूप लुम्बिनी प्रदेशमा गरिएको हो।
बैंकले आर्थिक वर्ष २०८१/८२ को असार मसान्तसम्म कर्जा, निक्षेप, खुद ब्याज आम्दानीमा दोहोरो अंकको वृद्धि गर्दै कोषको लागत घटाउने, बेस रेट कम गर्ने र कर्जा जोखिम व्यवस्थापनमा उल्लेखनीय सुधार गरेको जनाएको छ।
सिटिजन्स बैंकले पछिल्ला नवप्रवर्तन पनि अघि बढाएको छ:
फोनपे सहकार्यमा नेपालमै पहिलो “सिटिजन्स फोनपे क्रेडिट कार्ड”।
फ्रिलान्सर लक्षित ‘फ्रिलान्सर सेविङ्ज अकाउन्ट’।
मोबाइल बैंकिङ एपमार्फत शेयर आवेदन र CRN नम्बर सुविधा।
क्रस बैंक टेलर सुविधा, जसमा अन्य बैंकका ग्राहकले सिटिजन्स बैंकको शाखाबाट नगद प्राप्त गर्न सक्ने।
हाल बैंकको नेटवर्क देशैभरी २०० शाखा, १६९ एटिएम, ३ विस्तारित काउन्टर, र ७४ शाखा रहित बैंकिङ इकाइ मार्फत १९ लाख ३४ हजार ग्राहकवर्गलाई आधुनिक बैंकिङ्ग सेवा प्रदान गर्दै आएको छ।
