कप्तान मल्ल पनि सस्तैमा आउट भएपछि दबाबमा रहेको चितवन, बोपाराको भरमा

काठमाडौं– नेपाल प्रिमियर लिग (एनपीएल) सिजन २ अन्तर्गत शुक्रबारको पहिलो खेलमा काठमाडौं गोर्खाजले चितवन राइनोजका कपतान कुशल मल्ललाई पनि सस्तैमा आउट गरेको छ ।

९ ओभरको दोस्रो बलमा कप्तान मल्ल पाँचौँ विकेटका रुपमा आउट भएका हुन् । सस्तैमा आउट भएका उनले १३ बल खर्चेर ६ रन जोडे ।

पहिलो ओभरमा नै विकेट गुमाएको चितवनको ब्याटिङले लय समातेको छैन ।

१० ओभरमा पुग्दा चितवन ५ विकेटको क्षतिमा ४५ रनको दयनीय अवस्थामा छ ।

सुरुवाती पाँच ब्याटर सस्तैमा आउट भएपछि चितवन अब रवि बोपारको भरमा छ । अघिल्ला ३ खेलमा अर्धशतक प्रहार गरेका थिए ।

बोपारको ब्याटिङ नचलेको अवस्थामा चितवनको जित अन्योलतातर्फ धकेलिने देखिन्छ ।

१४३ रनको लक्ष्य पछ्याउँदै चितवन जवाफी ब्याटिङमा छ ।