काठमाडौँ । काठमाडौँ १६ शोभाभगवती मार्ग चमती स्थित स्वस्थ समाज निर्माणमा क्रियाशील हेल्दी फ्रेन्ड्स क्लबको चौथो साधारण सभा आज सम्पन्न भएको छ।
उक्त समारोहमा राष्ट्रिय सभाका सदस्य किरण बाबु श्रेष्ठले प्रमुख आतिथिको आसनबाट बोल्दै खेललाई केवल रमाइलो मात्र नभई जीवन सुधार्ने अभ्यासको रूपमा हेर्नुपर्ने बताउनुभयो। उहाँले खेलले समाजलाई स्वस्थ, अनुशासित र एकताबद्ध बनाउने भएकोले क्लबद्वारा सञ्चालित ब्याडमिन्टन खेलको प्रशंसा गर्नुभयो।
क्लबका अध्यक्ष श्रीराम पुडासैनीले समाज र क्लबको सम्बन्धमाथि प्रकाश पार्दै टोल समाज बिना क्लबको अस्तित्व नहुने र क्लब बिना टोल–समाज पूर्ण नहुने धारणा व्यक्त गर्नुभयो। उहाँले दुवै मिलेर मात्र स्वस्थ टोल, सशक्त टोल र सचेत टोल निर्माण हुने बताउनुभयो।
सो समारोहमा मुस्लिम आयोगका सयोजक हाजी इर्शा मुल्ला मिया, क्लबका सल्लाहकारहरू दीपेन्द्र काफ्ले र नहकुल प्रसाद श्रेष्ठ, साथै खेल प्रशिक्षक भूगोल थापाले सम्बोधन गर्नुभयो।
कार्यक्रममा क्लबका सचिब रजुसिद्दि बज्राचार्यले सचिवको प्रतिवेदन र कोषाध्यक्ष तोप बहादुर बानियाले आयव्यय विवरण प्रस्तुत गर्नुभएको थियो। क्लबका उपाध्यक्ष जगत बहादुर श्रेष्ठले स्वागत भाषण गर्नुभएको उक्त कार्यक्रममा विभिन्न संघका प्रतिनिधि, समाजसेवी, सामाजिक अभियन्ता, क्लबका आजीवन सदश्य, पदाधिकारी र खेलाडीहरूको उपस्थिति रहेको थियो।
