नेपाल स्थित गणतन्त्र कोरियाली दूतावासले यहि जुन ६ तारिख (शनिबार)का दिन काठमाडौँको छाया सेन्टरमा २०२६ के-भाइब महोत्सव सौन्दर्यता र स्वाद (“ग्लो एण्ड टेस्ट”) आयोजना गर्यो। उक्त कार्यक्रममा ८ वटा परिचित कोरियाली कस्मेटिक स्टल, काठमाडौंस्थित कोरियाली रेस्टुरेन्ट एसोसिएसनबाट ६वटा स्वादिष्ट भोजनालयका स्टलका साथै कोरियाली सरकारी संस्था: कोइका, कोपिया सेन्टर, ईपीएस सेन्टर लगायतको सहभागितामा कोरियाली स्वादका साथै विभिन्न मनोरन्जनात्मक अवसरहरु एकसाथ प्रदान भयो। राजदूत पार्क थेयङले महोत्सवमा मन्तव्य राख्दै कोरियाली सौन्दर्य के-ब्युटी लगायत विभिन्न प्रदर्शनको समायोजना हुनुलाई अर्थपूर्ण अवसरको रूपमा प्रकाश पारे ।
उन्ले आजको विशेष कार्यक्रमले नेपालका युवा पुस्तालाई आफ्नो पहिचानको सँरक्षण गर्दै विश्वव्यापी प्रवृत्तिहरूसँग जोडने अवसर हुने धारणा राखे । त्यसै गरी राजदूत पार्कले नेपालमा कोरियाली संस्कृतिको बढ्दो लोकप्रियता बढ्दै जानुका साथै दुई देशको साँस्कृतिक समानताको बारेमा खुलाए। त्यसैगरी आजको कार्यक्रममा के-ब्युटी, के-पप, तथा कोरियाली परिकारको स्वाद लिने अवसर एकै स्थानमा समावेश हुनु अर्थपूर्ण रहेको खुलाए ।
दूतावासले आयोजना गरेको उक्त कार्यक्रम कोरियाली सरकारको के-भाइब साँस्कृतिक सम्वन्ध विस्तारको एक भागको रूपमा आयोजना गरिएको हो । के-ब्युटी, के-पप, के-फूड, फोटो बुथ, कोरियाली हाँजिरी जवाफ र हानबोक पहिरनको अनुभव गराएर नेपाली युवापूस्ताका लागि नेपालमानै सबै किसिमको कोरियाली अनुभव लिने अवसर प्राप्त भयो । कार्यक्रम मार्फत के-सौन्दर्य प्रेमीहरूले उच्च विशिष्टीकृत के-सौन्दर्य र छाला हेरचाह सुझाव, के-मेकअप कक्षाहरूमा पनि सहभागी हुने अवसर प्राप्त गरेका थिए ।
गणतन्त्र कोरियाली दूतावासले नेपालमा हरेक वर्ष विभिन्न आकर्षक साँस्कृतिक कार्यक्रमहरु मार्फत दुई देशबीच जनस्तरको सम्वन्ध विस्तार गर्न सक्रिय भूमिका खेल्दै आएको छ । २०२६ के-भाइब महोत्सव ‘चमक तथा स्वाद’ मार्फत कोरिया र नेपाल बीचको जीवन्त सांस्कृतिक साझेदारीमा अर्को सफल अध्याय स्थापित भएको छ । दुई देशवीच सौन्दर्य, परम्परा र संस्कृतिको अनुवभ मार्फत सम्बन्ध थप प्रगाड हुँदै गएको छ ।
दूतावासले आयोजना गरेको कार्यक्रम राम्रोसँग प्रचार भएकोले आम जनता, सम्वन्धित सरोकारवाला तथा मिडियाकर्मीलाई एकै स्थानमा भेला गराउन सफल भएको छ । आजको कार्यक्रममा २,३००जना भन्दा बढी युवा पूस्ताको उपस्थितिले कार्यक्रमलाई साँच्चै ऊर्जावान् र ऐतिहासिक बनाएको छ ।
