सेयर बजारका सबै समूह राताम्मे, कारोबार तीन अर्बमा सीमित

काठमाडौं । साताको चौथो कारोबार दिन बिहीबार सेयर बजार दोहोरो अंकले घटेको छ ।

यस दिन बजार १६.२९ अंकले घटेर नेप्से परिसूचक २६७२.५८ विन्दुमा झरेको छ । बुधबार ७.७९ अंकले घटेको थियो ।

नेप्सेसँगै कारोबार रकममा पनि गिरावट आएको छ । आज ३ अर्ब ३८ करोड कारोबार भएको छ । अघिल्लो कारोबार दिन ४ अर्ब २ करोड रुपैयाँबराबरको धितोपत्र किनबेच भएको थियो ।

नेप्सेका १३ वटै उपसमूह राताम्मे बनेका छन् । सबैभन्दा धेरै हाइड्रोपावर समूह १.२० प्रतिशतले घटेको छ ।

यस दिन एभरेस्ट कलरको मूल्यमा सकारात्मक सर्किट लागेको छ भने कालिन्चोक हाइड्रोपावरको मूल्यमा नकारात्मक सर्किट लागेको छ ।