किभ । रुसले युक्रेनमाथि सबै भन्दा ठुलो हवाई आक्रमण गरेपछि युक्रेनी राष्ट्रपति भोलोदिमिर जेलेन्स्कीले अमेरिका चुप बसेका कारण रुसको मनोबल बढेको र आक्रमणलाई प्रेरित गरेको गुनासो गरेका छन्।
सन् २०२२ मा रुसले युक्रेनमा आक्रमण गरे यता शनिबार राति सबै भन्दा ठुलो आक्रमण गरेको हो। सो आक्रमणमा तीन बालबालिकाका साथै १२ जनाको ज्यान गएको थियो। राजधानी किभमा सबै भन्दा धेरै मान्छे मरेको एक दिनपछि सो घटना भएको हो।
अन्तर्राष्ट्रिय निकायले दबाब दिनुका बाबजुद रुसले लगातार आक्रमण गरिरहेको छ। अमेरिका गुपचुप रहनुका कारण यस्तो स्थिति आएको जनाइएको छ। जेलेन्सकीले रुसमाथि कडा दबाब नदिए उनीहरूको क्रूरताको अन्त्य नहुने बताएका छन्।
JPG converted with https://ezgif.com/webp-to-jpg
रुसको आक्रमणमा प्रतिक्रिया दिँदै अमेरिकी राष्ट्रपति डोनाल्ड ट्रम्पले आफूलाई दुःख लागेको बताए। युक्रेनका लागि अमेरिकी दूत केइथ केलोगले भने सामाजिक सञ्जालमा किभको नक्सा राख्दै १९७७ को जेनेभा शान्ति प्रोटोकलको उल्लङ्घन भएको बताएका छन्।
