सवारी दुर्घटनामा एक जनाको मृत्यु

गुल्मी– रेसुङ्गा नगरपालिका-८ गजुरास्थित सडकमा रेसुङ्गा पोखरीबाट तम्घासतर्फ आउँदै गरेको लु.१ ज १५२८ नम्बरको जिप अनियन्त्रित भई दुर्घटना हुँदा जिपमा सवार रेसुङ्गा नगरपालिका-८ बसपार्क बस्ने सोही नगरपालिका-२ बाघमारे घर भएका १६ वर्षीय सुदिप नेपालीको मृत्यु भएको छ ।

गए राति भएको उक्त दुर्घटनामा गम्भीर घाइते भएका उनको प्राथमिक स्वास्थ्य केन्द्र रुरु रिडीमा थप उपचारको क्रममा सोमबार बिहान मृत्यु भएको हो ।

प्रहरी हाल फरार जिप चालकको खोजी गर्नुका साथै दुर्घटनाको सम्बन्धमा आवश्यक अनुसन्धान गरिरहेको छ ।