An overturned car sits on a section of a destroyed bridge after a strike in Hormozgan province, southern Iran, Saturday, July 18, 2026. (Mahdi Negahban/Mehr News Agency via AP)
काठमाडौं। अमेरिकाले इरानविरुद्ध लगातार १२औँ रात पनि हवाई आक्रमण गरेको जनाएको छ। अमेरिकी सेन्ट्रल कमान्ड सेन्टकमले पछिल्लो कारबाही इरानको व्यावसायिक जहाज तथा नागरिक जलयातायातमाथि आक्रमण गर्ने क्षमता थप कमजोर पार्ने उद्देश्यले गरिएको दाबी गरेको छ।
सेन्टकमका अनुसार पछिल्लो चरणको आक्रमणमा इरानका समुद्री सैन्य क्षमता, मिसाइल तथा ड्रोन भण्डारण केन्द्र, तटीय निगरानी केन्द्र र हवाई प्रतिरक्षा प्रणालीलाई निशाना बनाइएको थियो।
अमेरिकी सेनाले यस महिनाभरि इरानका दर्जनौं स्थलीय सैन्य संरचनामाथि आक्रमण गर्नुका साथै इरानी बन्दरगाहहरूमा समुद्री नाकाबन्दी पनि जारी राखेको जनाएको छ।
सेन्टकमका अनुसार हालसम्म नौवटा व्यावसायिक जहाजलाई इरानी बन्दरगाहतर्फ प्रवेश वा बाहिरिन नदिई अन्यत्र मोडिएको छ भने एउटा जहाजलाई सञ्चालनविहीन बनाइएको दाबी गरिएको छ।
अमेरिकी सेनाले मध्यपूर्वभर ५० हजारभन्दा बढी अमेरिकी सैनिक उच्च सतर्क अवस्थामा रहेको जनाएको छ।
“मध्यपूर्वमा तैनाथ ५० हजारभन्दा बढी अमेरिकी सैनिक पूर्ण रूपमा सतर्क, युद्धका लागि तयार र आवश्यक परे तत्काल कारबाही गर्न सक्षम अवस्थामा छन्,” सेन्टकमको विज्ञप्तिमा उल्लेख छ।
अमेरिका–इरानबीच होर्मुज जलडमरूमध्यलाई केन्द्रमा राखेर सैन्य तनाव निरन्तर बढिरहेका बेला दुवै पक्षले एकअर्कामाथि लगातार आक्रमण गरिरहेका छन्।
९एजेन्सी०
