गत आवमा निर्जीवन बीमा कम्पनीद्वारा साढे ५० अर्बको कारोबार, कसको कति ?

काठमाडौं । निर्जीवन बीमा कम्पनीहरूले गत आर्थिक वर्ष ०८२/०८३ मा साढे ५० अर्बको बीमा व्यवसाय गरेका छन् ।

नेपाल बीमा प्राधिकरणको प्रतिवेदनअनुसार, गत आवमा १४ निर्जीवन बीमा कम्पनीले ५० अर्ब ६० कराड ३१ लाख रुपैयाँबराबरको बीमा व्यवसाय गरेका हुन् । समग्र कम्पनीहरूले ३ लाख १५ हजार १८५ वटा बीमालेख जारी गरेका छन् ।

सबैभन्दा बढी बीमा व्यवसाय गर्ने शिखर इन्स्योरेन्स कम्पनी लिमिटेड शीर्षस्थानमा छ । यो कम्पनीले मात्रै ६ अर्ब ५१ करोडभन्दा बढीको व्यापार भित्र्याएको छ । सो अवधिमा कम्पनीले ३८ हजार २६८ वटा बीमालेख जारी गरेको छ ।

त्यस्तै दोस्रो नम्बरमा रहेको सगरमाथा लुम्बिनी इन्स्योरेन्स लिमिटेडले २६ हजार ५५४ वटा बीमालेख जारी गर्दै ५ अर्ब ४२ करोडको बीमा व्यापार गरेको छ ।