काठमाडौं । ‘ब्लु सर्ज–पावरिङ अहेड टुगेदर पार्टनर्स मिट २०२६’ मा सहभागी हुन थाइल्याण्ड गएका यामाहा नेपालका साझेदार तथा यामाहा टिम पाँचदिने भ्रमण सम्पन्न गरी स्वदेश फर्किएका छन् । जुलाई २७ देखि ३१ सम्म आयोजना गरिएको यस कार्यक्रमले पटायादेखि बैंककसम्मको यात्रा र औपचारिक साझेदार सम्मेलनसँगै आपसी सम्बन्ध सुदृढ गर्ने र सफलताको उत्सव मनाउने अवसर प्रदान गरेको थियो ।
कार्यक्रमको मुख्य आकर्षणका रूपमा दोस्रो दिन यामाहा नेपाल पार्टनर्स मिट एवम् नेटवर्किङ सेसनहरू सञ्चालन गरिएका थिए । त्यसपछि आयोजित ‘गाला डिनर’मा गत वर्ष उत्कृष्ट प्रदर्शन गर्ने डिलरहरूलाई विभिन्न विधामा सम्मान गरिएको थियो ।
यस क्रममा बी एण्ड बी अटो ट्रेडर्स प्रा.लि., विराटचोकले बेस्ट सोसल मिडिया प्रेजेन्स अवार्ड प्राप्त गर्यो । नेपालका विभिन्न स्थानमा सञ्चालित उत्कृष्ट डिलरको सम्मान प्राप्त गरेका थिए ।
कार्यक्रमलाई सम्बोधन गर्दै यामाहा मोटर इण्डिया ग्रुपका अध्यक्ष हाजिमे अओटाले यामाहाका लागि नेपाल सबैभन्दा महत्त्वपूर्ण बजार भएको उल्लेख गर्दै नेपालको इलेक्ट्रिफिकेसन तर्फको विशिष्ट यात्राको प्रशंसा गरे । उनले थाइल्याण्डजस्ता ठूलो इन्जिन उत्पादन बेस भएका बजारहरूभन्दा फरक रूपमा नेपाल इलेक्ट्रिक भेहिकल ९ईभी० को विस्तारका लागि अत्यन्त उपयुक्त बजार रहेको बताए । साथै, उनले भारतभन्दा बाहिर पहिलोपटक यामाहा ब्रान्डका ई–जिरो सिरिज इलेक्ट्रिक मोटरसाइकल सार्वजनिक गर्ने बजारका रूपमा नेपाललाई छनोट गरिएको जानकारी दिए ।
उनले भने, “यामाहा मोटर इण्डिया ग्रुपका लागि नेपाल सबैभन्दा महत्त्वपूर्ण बजारमध्ये एक हो । यहाँको इलेक्ट्रिफिकेसनको यात्रा मौलिक छ । त्यसैले हामीले भारतबाहिर पहिलोपटक ई–जिरो सिरिज इलेक्ट्रिक मोटरसाइकल नेपालमै ल्याउने निर्णय गरेका छौँ । आउनुहोस्, हामी सबै मिलेर अझ उज्ज्वल भविष्यको निर्माण गरौँ ।”
एमएडब्लू राइड्स प्रा। लि। का अध्यक्ष विष्णुकुमार अग्रवालले वर्षभरि समर्पणका साथ काम गर्ने सम्पूर्ण यामाहा डिलरहरूप्रति आभार व्यक्त गर्दै भने, “यस वर्ष यामाहाले तय गरिएका लक्ष्यहरूभन्दा बढी उपलब्धि हासिल गरेकाले त्यसको सफलताको उत्सवका रूपमा यो थाइल्याण्ड भ्रमण आयोजना गरिएको हो । हाम्रो डिलर नेटवर्कको सामूहिक प्रयासप्रति म अत्यन्त गौरवान्वित छु ।”
