पुष ९,कैलालि । हाम्रो साहारा नामक लघुचलचित्र बर्दगोरीया गाउँपालिका बौनिँयामा आज एक कार्यक्रम बिच बर्दगोरीया गाउँपालिका अध्यक्ष कर्ण कुवरको प्रमुख उपस्थितिमा सार्वजनिक गरेको छ । असायहरुको लागि सहयोगी हातहरु नेपाल नामक बर्दगोरीयामा अवस्थीत साहारा घर सस्था उक्त चलचित्र निमार्णमा मुख्य सहयोगीको रुपमा रहेको छ।
मानिसहरुको सबै बाट साहारा पाउने आशा समाप्त भएपश्चात के कसरी आगामी दैनिकि चलाउन सकिन्छ भन्ने अभिप्राय बोकेको यस लघुचलचित्रले चित्रण गरेको पाईछ । एउटा गरिव परिवारमा विदेशको नोकरीको निम्ती मेनपावरमा ठगी भएर न त घरमा ऋण चुक्ता न त विदेशको नोकरी नै, यस्तै परीस्थीलाई समेटिएको यस चलचित्रले वर्तमान परिस्थीतिलाई निकै नै समावेश गरिएको चलचित्र टिमको भनाई रहेको छ । गरिवीले परिवारमा विभिन्न घटना घटेका र अन्तमा साहारा घरको मद्दतले नयाँ जीवन पाउन सफल भएको कथावस्तु देखाइएको छ ।
यस चलचित्रको मुख्य बुबाको भुमिकामा नरायण ढुंगाना रहेका छन् भने आमाको भुमिकामा दुर्गा पाण्डे रहेकि छिन्। यस लघुचलचित्रको कथा लेखन प्रशिक्षक सुनिल भण्डारिको रहेको छ भने निर्देशन गंगा भुजेलले गरेका छन्। क्यामेरा, कलर, पोष्टर प्रोडक्सन तथा सम्पादन भने लम्कीमा अवस्थित काठमाडौं कम्प्यूटरका प्रमुख उमेश प्रसाद भाटले गरेका छन्। यस लघुचलचित्र निकै नै जनचेतनामूलक रहेको त्यहाँका स्थानिहरुको भनाई रहेको छ।
