आर्थिक मन्दीमा पनि लम्की उपभोक्ता बचत तथा ऋण सहकारी संस्था २४ लाख मुनाफामा

पुष २१,कैलाली । लम्की उपभोक्ता बचत तथा ऋण सहकारी संस्थाको १४औं वार्षिक साधारण सभा सम्पन्न भएको छ। १४औं वार्षिक साधारण सभा मा प्रस्तुत भएको प्रतिवेदन अनुसार आर्थिक वर्ष २००७९/०८०  मा करिब २४ लाख रुपैयाँ मुनाफा आर्जन गर्न सफल भएको छ। विसं २०६५ साल चैत्र बाट सञ्चालन भएको यस सहकारी संस्थामा भने हाल १४८९ जना सदस्य रहेका छन् ।

संस्थाको वार्षिक प्रतिवेदन अनुसार अषाढ मसान्तसम्मको कुलपुजी १ करोड ३ लाख ६२ हजार १०० रूपैयाँ रहेको छ। २०८० पौष २१ गते शनिबार संस्थाका अध्यक्ष पहिल बहादुर शाहीको सभापतित्वमा भएको उक्त साधारण सभाको प्रमुख अतिथि लम्कीचुहा नगरपालिकाकि नगरप्रमुख सुशिला शाहीको  थियो । कार्यक्रमको विशिष्ट अतिथि  राष्ट्रिय सहकारी बैंकका सञ्चालक सदस्य शिवा थापाको थियो। भने उक्त कार्यक्रममा  सेयर सदस्य, सञ्चालक समितिका सदस्य, कर्मचारी, सञ्चारकर्मी, समाजसेवी, बुद्धिजीवी, शिक्षक, विद्यार्थी लगायत व्यक्तिहरूको उपस्थिति रहेको थियो।