फागुन १८, काठमाडौं । नेकपा एमालेका सांसद सुर्य थापाले प्रधानमन्त्री पुष्पकमल दमाहाल प्रचण्ड प्रतिपक्षी दलले सदनमा उठाएका सवालको जवाफ दिन नसकेर भागेको आरोप लगाएका छन् ।
शुक्रबार बसेको संघिय संससदको बैठकमा विषेश समय लिएर बोलेका थापाले लगातार ५ बैठकमा उठ्दै आएको एउटै सवालको जवाफ दिन नससकेर प्रधानमन्त्री दाहाल निरन्तर भागिरहेको बताएका हुन् ।
प्रमुख प्रतिपक्षी दल नेकपा एमाले लगायतका अन्य प्रतिपक्षी दलले फागुन ६ गते यता बालकुमारि घटनामा मुछिएका मन्त्री प्रकाश ज्वाला र टेरामेक्स प्रविधि घोटालामा मुछिएका अर्का मन्त्री मोहन बस्नेतको राजिनामा माग्दै आएका थिए । सभामुख देबराज घिमिरेले १४ गते सम्पन्न संसद बैठकमा प्रधानमन्त्रीले सबै सवालको जवाफ १८ गते बस्ने बैठकमा दिने भन्दै बिस्वस्त पारेका थिए । तर प्रधानमन्त्री दाहाल भरतपुर महानगरपालिकाले आयोजना गरेको एक कार्यक्रममा सहभागी हुन पुग्दा आज बसेको संघिय संसद बैठकमा अनुपस्थित थिए ।
सांसद थापाले सोहि कुरालाई उठाउदै प्रधानमन्त्री संसदप्रति जवाफदेहि नभएको भन्दै आरोप लगाए । “सभामुख महोदय प्रधानमन्त्रीको खोजि गर्नु पर्यो र यो सरकारलाई संसद प्रति जवाफदेहि बनाउनु पर्यो । बालकुमारी घटनामा दोषि करार भएका र सरकारी छानबिन समितिलेनै दोषि ठहर गरेका मन्त्रीलाई राजिनामा गर्न वा राजिनामा नगरे बर्खास्त गर्न प्रधानमन्त्रीलाई केले रोकेको छ ? यो संसदमा आएर जवाफ दिन केले रोकेको छ ?” उनले प्रश्न गरे । साथै सांसद थापाले सरकार सहकारी र लघुबित्त पीडितहरु प्रति पनि जवाफदेहि नभएको समेत आरोप लगाए ।
