प्रधानमन्त्री दाहाल संसद बैठकमा आज पनि अनुपस्थित, सभामुखले आगामि बैठकमा अनिवार्य उपस्थित हुन दिए निर्देशन

फागुन १८, काठमाडौं । सभामुख देवराज घिमिरेले फागुन ६ गते यता संसद बैठकमा उपस्थिति नजनाएका प्रधानमन्त्री दाहाललाई आगामी बैठकमा अनिवार्य उपस्थित भई संसदमा उठेका सवालहरुको जवाफ
दिन निर्देशन दिएका छन् । १४ फागुनको बैठकमा सभामुखले आगामी बैठकमा जवाफ दिन रुलिङ गरे पनि प्रधानमन्त्री संसदमा उपस्थित नभएपछि सभामुख घिमिरेले सो निर्देशन दिएका
हुन् ।

विपक्षी दलहरुले ६ फागुन यता बालकुमारी घटना, मिटरब्याज र सहकारी पीडितको आन्दोलन लगायतका विषयमा ससरकारको जवाफ माग्दै आएका छन् । राष्टिय प्रजातन्त्र पार्टीले त झनै १८ गते सम्म पनि सरकारको जवाफ नआए संसद बैठकनै अबरोध गर्ने सम्मको चुनौति दिएको थियो । प्रधानमन्त्री दाहाल भने सभामुखको निर्देशन र प्रतिपक्षी दलहरुको प्रश्नलाई बेवास्ता गर्दै संसद बैठकमा अनुपस्थित हुदै आएका छन् ।