बैशाख ८, काठमाडौं । क्लासिक फिटनेश एकेडेमी नेपालले बैशाख १७ गतेदेखि अन्तरास्ट्रिय जिम प्रशिक्षकबाट प्रशिक्षण गराउने भएको छ। शनिबार काठमाडौंको नागपोखरी स्थित आरण्य बुटिक होटलमा पत्रकार सम्मेलन गर्दै क्लासिक फिटनेश एकेडेमीले नेपालमै पहिलोपटक अन्तरास्ट्रिय प्रशिक्षकबाट प्रशिक्षण थालनी गर्नेबारे बताएको छ ।
क्लासिक फिटनेशले आफ्नो एकेडेमीमा अनुबन्धित अन्तरास्ट्रिय फिटनेस ट्रेनर डाक्टर चिराग सेट्टिबाट पत्रकार सम्मेलनकै क्रममा प्रशिक्षण सिलसिलाको शुभारम्भ गरेको छ । अमेरिकन काउन्सिल एकसरसाईज (एसिइ) बाट सम्बन्धन लिएर पहिलोपटक थालनी गरिएको सो प्रशिक्षण अवधी ३ महिना सम्म रहने क्लासिक फिटनेस एकेडेमीका प्रवन्ध निर्देशक रोजल शाहीले जानकारी दिए।
नेपालमा प्रसस्त जिम सेन्टरहरु खोलिएका र अझै खोलिने क्रममा रहेपनी भनेजस्तो दक्ष जिम ट्रेनर नभएको अवस्थालाई मध्यनजर गर्दै अन्तरास्ट्रिय स्तरको जिम ट्रेनर प्रशिक्षण सुरु गरेको निर्देशक शाहीको भनाइ छ। ” पछिल्लो समय शारीरिक रुपमा स्वस्थ र आफुलाई फिट एण्ड राईट राख्नका लागि जिम गर्नेहरूको जमात बढ्दै गएको छ। थुप्रै सेन्टर पनि खुलेका छन । तर आवस्यक दक्ष ट्रेनरहरु पाउने अवस्था छैन । शाहीले भने, “त्यसैले अन्तरास्ट्रिय स्तरको जिम ट्रेनर उत्पादन गर्ने हाम्रो लक्ष्य हो।”
अन्तरास्ट्रिय स्तरको जिम ट्रेनरको सर्टिफिकेट प्राप्त गरेपछि प्रशिक्षण लिने विद्यार्थीले पनि जिम तथा फिटनेश सेन्टरहरुमा रोजगारी पाउने क्लासिक एकेडेमीको विश्वास छ। निर्देशक शाहीले क्लासिक एकेडेमीले यो कदम सुरु गर्नु पछाडी रोजगारी सिर्जना गर्नु पनि मुख्य उदेश्य रहेको बताए । उनका अनुसार ३ महिने क्लास लिएका विद्यार्थीहरुलाई (एसिइ) लगायत थप पाँच अन्तरास्ट्रिय प्रमाणपत्र प्रशिक्षकबाट प्रदान गरिने छ । ति प्रमाणपत्रले (इआरआईपी) फिटनेसका लागी युरोपका सबै मुलुकमा मान्यता समेत प्राप्त हुने बताइएको छ।
