प्रभु शाहको दावी : ट्राफिकले डिउटी गरेको भए दुर्घटना हुने थिएन

असार २८, काठमाडौं । आम जनता पार्टीका सांसद प्रभु शाहले चितवनमा गयराति भएको बस दुर्घटना ट्राफिक नखटाईएको कारणले भएको दावी गरेका छन् । शुक्रबार प्रतिनीधीसभामा बोल्दै सांसद शाहले ट्राफिक प्रहरीले राति डिउटी गरेर सडकको अवस्था बारे जानकारी गराईदिएको भए उक्त घटना नहुने दावी गरेका हुन् । उनले गयराति त्रिशुली नदिमा खसेका २ वटा बसमा सवार यात्रुहरुको अवस्थाबारे समेत सरकारलाई प्रश्न गरेका छन् ।

‘त्रिशुली नदीमा खसेका बसका यात्रुहरुको अवस्था के छ ? त्यसको उद्धार कार्यमा के भईरहेको छ ?’ उनले प्रश्न गरे । उनले आठ घण्टा बिति सक्दा पनि बस फेला नपरेको भन्दै सरकारलाई निरिह भएको आरोप लगाए । दुर्घटना भएको लामो समय बितिसक्दा पनि बस र यात्रु बारे खबर नपाउदा पिडित र आम नागरिले के सोचिरहेका होलान भन्दै सरकारलाई अनुभुत गर्न सांसद शाहले आग्रह गरेका छन् ।

वीरगञ्जबाट काठमाडौंतर्फ गइरहेको बागमती प्रदेश १५१६ नम्बरको एन्जल डिलक्सस लेखेको बसस र काठमाडौंबाट गौरतर्फ जांदै गरेको नम्बर नखुलेको गणपति डिलक्सस लेखेको बसलाई आज बिहान करिब ससाढे ३ बजेतिर भरतपुर महानगरपालिका–२९ सिमताल भन्ने स्थानमा लेदो माटोसहितको पहिरोले बगाएर त्रिशूली नदी किनारमा खसालेको थियो । ती बसमा चालकसहित करिब ६५ यात्रु रहेको अनुमान छ ।