दोस्रो हाफमा गोल खायो नेपालले

काठमाडौं । पहिलो उपाधिको खोजीमा रहेको नेपालले बङ्गलादेशविरुद्धको फाइनल भिडन्तमा गोल खाएको छ।

पहिलो हाफ बराबरीमा सकिएको अवस्थामा दोस्रो हाफको सातौँ मिनेटमा नेपालले गोल खाएको हो ।

डी बक्सबाहिरको बल राम्ररी क्लियर हुन नसकेको अवस्थामा बंगलादेशले नेपाली खेलाडीलाई छक्याउँदै गोल गरेका हुन् ।

यससँगै दशरथ रंगशालामा उपस्थित हजारौँ समर्थक पनि स्तब्ध भएका छन् । नेपालले यसअघि पाँचवटा फाइनल गुमाइसकेकाले यस पटक उपाधि जित्ने योजनामा छ ।