आज २०८१ साल मंसिर ८ गते शनिबारको राशिफल

काठमाडौं । आज २०८१ साल मंसिर ८ गते शनिबार तदनुसार सन् २०२४ नोभेम्बर २३ तारिख। अष्टमी तिथि। गोरखकाली पूजा। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ।

मेष : दिन सहज छ। पञ्चम भावमा चन्द्रमा रहेकाले बौद्धिक क्षेत्रमा गरेको प्रयास सफल बन्नेछ। उपचारकोक्रममा भए स्वास्थ्यमा सुधार हुनेछ। राज्यको निगरानी रहेकाले सचेत बन्नुपर्नेछ। परिवारको साथ र सहयोग मिल्नेछ।

वृष : राम्रो बोल्छु भन्दाभन्दै साथीले असहयोग गर्नेछन्। थोरै बोल्नु राम्रो हुनेछ। वैदेशिक रमझमले मन तान्नेछ। परिवारको सुझाव अनुसार अगाडि बढेमा व्यापारमा फाइदा हुनेछ। कृषि क्षेत्रमा राम्रो नाफा हुने योग छ।

मिथुन :दिन सहज छ। साथीभाइले सहयोग गर्नेछन्। परोपकार गर्दा मन शान्त हुनेछ। राम्रो कामको प्रशंसा हुनेछ। स्वदेशमा विकल्प देखेर मन खुशी हुनेछ। प्रेम सम्बन्ध सुमधुर बन्ने योग छ।

कर्कट : धनलक्ष्मी योग परेको छ। खर्च कम गर्नु राम्रो हुनेछ। स्वास्थ्यले साथ दिनेछ। नयाँ काम गर्न शरीरमा ऊर्जा थपिनेछ। शिक्षाको क्षेत्रमा झुकाव रहनेछ। बौद्धिक व्यक्तिसँगको भेटले मन शान्त बन्नेछ।

सिंह : दिन राम्रो छ। आफ्नै राशिमा चन्द्रमा पुगेका छन्। दीर्घकालीन योजनाको तय गर्दा फाइदा हुनेछ। स्वास्थ्यमा भन्दा शिक्षा क्षेत्रको लगानीबाट उन्नति हुनेछ। परिवारको विश्वास गर्नाले धोका हुने जोखिम रहेको छ। व्यवहार गर्दा सचेत बन्नुपर्ने दिन छ।

कन्या : सञ्चित धन खर्च हुनेछ। ठुला योजनाको सुरुवात नगर्नु राम्रो हुनेछ। दाजुभाइ र बन्धुले साथ दिनेछन्। खानपानमा ख्याल नगर्दा रोगको प्रकोप बढ्ने जोखिम छ। सामाजिक क्षेत्रमा सेवाको अवसर मिल्नेछ। राज्यको लाभको पद प्राप्त हुने योग छ।

तुला : दिन राम्रो छ। आम्दानीका स्रोत धेरै छन्। राम्रो कमाइ भए पनि इज्जतमा भने प्रश्न उठ्ने खतरा देखिन्छ। कानुनको पर्खाइमा भए तपाईंको पक्षमा फैसला हुनेछ। खानपानमा ख्याल नगर्ने बानीले स्वास्थ्यमा समस्या हुनसक्छ।

वृश्चिक : दिन राम्रो छ। मुल त्रिकोणमा चन्द्रमा पुगेकाले मन प्रशन्न हुनेछ। धन जम्मा गर्नेक्रममा इज्जतको ख्याल गर्नु राम्रो हुनेछ। शिक्षाको क्षेत्रमा गरेको प्रयास सफल हुनेछ। परिवारमा भने समस्या हुने जोखिम रहेको छ।

धनु : दिन सहज छ। तपाईंको गला र कलाको प्रशंसा हुनेछ। साथीभाइको साथमा सुरुवात गरेको काम सफल बन्नेछ। खुट्टा तान्ने साथी सक्रिय भएकाले सचेत बन्नु राम्रो हुनेछ। परिवारको सल्लाह अनुसार अगाडि बढेमा फाइदा हुनेछ।

मकर : अचानक धन खर्च हुनेछ। मन अशान्त बन्ने जोखिम छ। पूर्वको लामो यात्रा नगर्नु राम्रो हुनेछ। बिहान पिपलको दर्शन र शिवको भजन सुनेर दिनको सुरुवात गरेमा सोचेको काम बन्नेछ।

कुम्भ : सानो कुराले झन्झट आइपर्नसक्छ। शुभग्रहको बहुमत भएकाले तपाईंले गरेका प्रयास सफल हुनेछन्। जन्मकुण्डलीमा ३, ६ र ११ औं स्थानमा शनिदेव भए उन्नति हुनेछ। परिवारले राम्रो साथ दिनेछन्। प्रेम सम्बन्ध सुमधुर बन्नेछ।

मीन : साढेसाती दशा चल्दैछ। साना कुराले मन अशान्त बन्नसक्छ। बोल्दा तीन पटक सोच्नुपर्ने दिन छ। औषधी नियमित नगरेमा रोगले सताउने जोखिम छ। परिवारको साथ र सहयोग राम्रो रहनेछ।