काठमाण्डौँ । एडुप्ले युवा नेपाल को आयोजना तथा राष्ट्रिय युवा परिषद् भक्तपुरको सहकार्यमा एक दिने दन्त शिविर कार्यक्रम सम्पन्न भएको छ । उक्त दन्त सेवा कार्यक्रम श्री महेन्द्र आधारभुत विद्यालयका विद्यार्थी भाईबहीनीहरुलाई प्रदान गरिएको हो ।
दन्त शिविर कार्यक्रममा शान्ति नगर डेन्टल किल्नीकका बरिष्ठ डा.डिलेश प्रधान,डा.अमृता क्षेष्ठ,डा.आरती शाह,डा निमिसा कार्की र सोनी झा को उपस्थिती रहेको थियो । उपस्थित डाक्टरहरुले विद्यार्थी भाईबहीनीहरुको दाँतको चेकअप गरेर समस्या बताएका थिए ।
कार्यक्रममा राष्ट्रिय युवा परिषद् भक्तपुरका प्रशासकीय प्रमुख चन्द्रा कुमारी थापा,संघ संस्था साखाका प्रमुख,तथा शाखाका अन्य पदाधीकारीहरुको उपस्थित रहेको थियो । त्यस्तै गरी विभिन्न संस्थाबाट पनि विभिन्न व्यक्तिहरुको उपस्थित रहेको थियो । त्यस्तै समाजसेवी तथा लाईभ नेपाल नेटवर्क प्रालिका संचालक पुष्कर राज पाण्डे,पत्रकारहरु लगायतको उपस्थित रहेको थियो ।
विद्यालयका प्रधान अध्यापक खड्काले यस्तो अति आवश्यक कार्यक्रम आफ्नो विद्यालयमा राखिदिएकोमा आयोजक टिमलाई धन्यवाद दिनु भयो । त्यस्तै शान्तीनगर डेन्टल किल्नीकका सम्पुर्ण टिमलाई धन्यवाद व्यक्त गर्दे कार्यक्रमलाई कार्यक्रम प्रस्तोता सबु बस्नेतले समापन गरेकी थिईन् ।
