टिकटकर रमा बस्नेतलाई ३० हजार धराैटीमा रिहा गर्न आदेश

काठमाडाैं। सामाजिक सञ्जाल ‘टिकटक’मा राजनीतिक नेताहरूलाई लक्षित गर्दै अभद्र भाषा प्रयोग गरेको आरोपमा पक्राउ परेकी रमा बस्नेत ३० हजार रुपैयाँ धरौटीमा रिहा हुने भएकी छन् ।

जिल्ला अदालत काठमाडौंका न्यायाधीश विष्णुप्रसाद उपाध्यायको इजलासले उनलाई धरौटीमा छाड्न आदेश दिएको हो । नेपाल प्रहरीको साइबर ब्युरोले बस्नेतलाई १ असारमा पक्राउ गरेको थियो ।

खोटाङको हलेसी तुवाचुङ नगरपालिका–६ स्थायी ठेगाना भई हाल भक्तपुरमा बसोबास गर्दै आएकी ३१ वर्षीया बस्नेतमाथि विद्युतीय कारोबार ऐन अन्तर्गत साइबर अपराधसम्बन्धी कसुरमा अनुसन्धान गरिएको प्रहरीले जनाएको छ ।