काठमाडौं । सरकारका प्रवक्ता एवम् सञ्चार, सूचना एवम् प्रविधिमन्त्री पृथ्वीसुब्बा गुरुङले भिजिट भिसा सेटिङ प्रकरणमा मुछिएका गृहमन्त्री रमेश लेखकले राजीनामा दिनु नपर्ने बताएका छन् ।
आइतबार नेकपा (एमाले) का सचिवालय बैठकबाट बाहिरिने क्रममा सञ्चारकर्मीसँग संक्षिप्त कुरागर्दै गुरुङले कर्मचारी पक्राउ परेको कुरामा गृहमन्त्री लेखकले राजीनामा दिन आवश्यक नभएको बताएका हुन् ।
‘अध्यागमनमा जे खालको अनियमितता भयो भनेर छानबिन भएको छ, त्यसलाई अझै छानबिन हुन दिनुस् । सहसचिव तीर्थराज भट्टराई पक्राउ पर्छन् अनि गृहमन्त्रीले राजीनामा दिनुपर्ने हुन्छ र ?’ उनले भने ।
विमानस्थल अध्यागमन विभागको प्रमुख रहेका भट्टराईले भिजिट भिसामा विदेश जानेहरूसँग दैनिक ५० लाखसम्म उठाएको प्रकरणमा अख्तियार दुरुपयोग अनुसन्धान आयोगले छानबिन गरिरहेको छ ।
उनले दैनिक ५० लाख उठाएर गृहमन्त्रीको सचिवालयलाई पनि बुझाउने गरेको बयान दिएपछि राजनीतिक देश तरङ्गित भएको छ । प्रतिपक्षी नेकपा माओवादी केन्द्रसहितका दलहरूले गृहमन्त्री लेखकको राजीनामा माग गरिरहँदा सत्ता साझेदार एमाले भने बचाउमा उत्रिएको हो ।
