झोलामा बजेट राखेर मन्त्रिपरिषद्को कार्यालयतर्फ अर्थमन्त्री

काठमाडौं। सरकारले आगामी आर्थिक वर्ष २०८२/०८३ को बजेट संघीय संसदमा पेस गर्न लागेको छ ।

सरकारका उपप्रधान तथा अर्थमन्त्री विष्णु पौडेलले संघीय संसदको दुबै सदनलाई सम्बोधन गर्दै बजेट भाषण गर्नेछन् ।

त्यसका लागि संघीय संसदको संयुक्त बैठक दिउँसो ३ बजेका लागि तय भएको छ ।

रातभर जागा रहेर अन्तिम रूप दिएको बजेट झोलामा राखेर अर्थमन्त्री पौडेल मन्त्रिपरिषद्‌ बैठकतर्फ लागेका छन्‌ । बैठकले बजेट स्वीकृत गरेपछि अर्थमन्त्रीले संसद्‌ भवन, नयाँ बानेश्वर पुगेर वक्तव्य वाचन गर्नेछन्‌ ।

अर्थमन्त्री पौडेलले आगामी आर्थिक वर्षका लागि १९ खर्ब रुपैयाँभन्दा ठूलो आकारको बजेट तयार पारेका मन्त्रालयल स्रोतले जानकारी दिएको छ ।