गोवर र आलुको गठबन्धलाई हराएर आएको हु – सांसद ज्ञानेन्द्र शाही

फागुन १३, काठमाडौं । राष्ट्रिय प्रजातन्त्र पार्टीका प्रमुख सेचतक ज्ञानेन्द्र शाहीले कांग्रेस, माओवादी गठबन्धनलाई गोवर र आलुको उपनाम दिएका छन् । आईतवार संघिय संससदको जारी बैठकमा बिशेष समय लिएर बोलेका शाहीले आफु जुम्लाबाट  कांग्रेस र माओवादी लगायतका दलको गठबन्धनलाई जितेर आएको भन्दै कोहि अमुख व्यक्तिले सहजै राजिनामा नमागोस् भन्दै आग्रह समेत गरेका छन् ।

फागुन ११ गते बसेको ससंघिय संसदको बैठकमा नेकपा माओवादी केन्द्रका सांसद माधव सापकोटाले शाहीलाई ईङ्कित गर्दै व्यवस्था विरुद्ध बोल्ने भए सांसद पद राजीनामा दिनु भन्दै अभिव्यक्ति दिएका थिए । सोहि अभिव्यक्तिको प्रतिक्रिया स्वरुप आज शाहीले पनि सांसद सापकोटालाई अमुख व्यक्तिको उपनामले सम्बोधन गर्दै उनलाई आफ्नो राजीनामा नमाग्न आग्रह गरेका थिए ।

“मलाई जुम्लाका दाजुभाईले आशीर्वाद दिएर पठाएको हो” । उनले भने, “मैले राजीनामा किन दिने ? मैले नौ दश वर्षका बच्चाको घाटी काटेर आएको हो ?, मैले राजिनामा किन दिने ? गुड्दै गरेको बसमा बम हानेर जनता मारेको हो ?” शाहीले विगतमा भएको १० वर्षे सशस्त्र युद्धमा ज्यान गुमाएका नेपालीहरुलाई सम्झेर यस्तो बोलेका थिए ।