कवाड व्यवसायी हरुले सुरु गरे प्रदर्सन

फागुन २०, काठमाडौं । बिना विकल्प हामीलाई नहटाइयोस भन्दै केहिदिन अगाडी पत्रकार सम्मेलन गरेका कवाड व्यवसायीहरूले आज मेयर बालेन शाहको कार्यालय अगाडि पुगेर विरोध प्रदर्शन गरेका छन्।

पछिल्लो समय काठमाडौं महानगरले अव्यवस्थित रुपमा फोहोर गरेको भन्दै महाराजगन्ज आसपासका कवाडी पसल हरुलाई धमाधम बन्द गराउदै आएको थियो। महानगरको सोही कदमलाई दमनको संज्ञा दिदै रिकलेक्टस एण्ड रिसाइक्लर्स एसोसिएसनले विरोध र्‍याली निकालेको हो। उनीहरुले मेयर बालेनको कार्यालय राष्ट्रियसभा गृह अगाडि प्रदर्शन पनि गरेका छन्।

कवाड व्यवसायीहरुलाई बिना विकल्प हटाउने काठमाडौं महानगरको सो निर्णय विरुद्ध संसद भित्र पनि आवाज उठेको थियो।