फागुन २४, काठमाडौं । नेपाली कांग्रेसका प्रमुख सचेतक रमेश लेखकले नेकपा माओवादी केन्द्रका अध्यक्ष पुष्प कमल दाहाल प्रचण्डले गठबन्धनमाथि विश्वासघात गरेको आरोप लगाएका छन् ।
बिहिबार संघिय संसदको ल्होत्से हलमा बसेको कांग्रेसस संसदिय दलको बैठक पछि निर्णय सुनाएका लेखकले यस्तो आरोप लगाएका हुन् ।उनले संविधानको रक्षाका लागि बनेको गठबन्धनमा नेपाली कांग्रेस सधै एमान्दार रहेको जिकिर गरे । “हामी गठबन्धन प्रति प्रतिबद्ध रहयौं । गठबन्धनका मुल्यमान्यता र हाम्रा सहमतिहरु पालना गर्दै गयौं तर दाहालले भने विश्वासघात गरेर गठबन्धन भत्काउनु भयो” उनले भने ।
प्रमुख सचेतक लेखकले माओवादी अध्यक्ष दाहाललाई गठबन्धन भत्काएर मुलुकलाई अस्थिरता तिर धकेलेको समेत आरोप लगाएका छन् । साथै उक्त बैठकले माआवादी अध्यक्ष दाहाललाई दिएको विश्वासको मत फिर्ता गर्ने निर्णय गरेको समेत सचेतक लेखकले बताए ।
