असार २४, काठमाडौं । नेकपा एमालेका प्रमुख सचेतक महेश वर्तौलाले प्रधानमन्त्री पुष्पकमल दाहाल प्रचण्डको गैडा शैलीको चटाईले सधै काङ्ग्रेस र एमालेको स्वरुप विगारेको आरोप लगाएका छन् । सोमबार बसेको प्रतिनीधी सभाको बैठकमा समय लिएर बोलेका वर्तौलाले प्रधानमन्त्री दाहालको सो गैडा शैलीको चटाईबाट बच्न हाल दुबै दल सचेत रहेको बताएका हुन् ।
उनले दाहाल नेतृत्व सरकारलाई ढालेर काङ्ग्रेस एमाले बिच बन्दै गरेको स्थिर सरकार पनि यहि सचेतनाको उपज भएको बताएका छन् । साथै उनले नेपाली काङ्ग्रेस र नेकपा एमाले बिचमा समझौता नभएर सहमति भएको बताएका छन् ।
‘हामी बिचमा समझदारी भएको छ ।’ उनले भने ‘सिङ्गो देशलाई आजको संकटको मोचन गर्ने सामर्थ्यका साथ अगाडी बढ्ने हामी बिचमा समझदारी भएको छ ।’ साथै बर्तौलाले अब बन्ने सरकारमा संसदमा रहेका साना दल हरुलाई समेट्दै पहिले नेकपा एमालेको नेतृत्वमा र पछि काङ्ग्रेसको नेतृत्वबाट निरन्तर जाने बताएका हुन् ।
