सुर्खेत । राष्ट्रपति रामचन्द्र पौडेलले आज बाजुरामा रहेको बडीमालिका मन्दिरमा दर्शन गर्ने भएका छन् ।
हिजो अपराह्न सुर्खेत पुगेका राष्ट्रपति पौडेल आज बडीमालिका मन्दिरमा दर्शनका लागि जाने कार्यक्रम रहेको छ ।
राष्ट्रपति पौडेलले आजै बाजुरास्थित नाट्श्वरी मन्दिरको उद्घाटन गर्ने कार्यक्रम रहेको राष्ट्रिपति कार्यालयले जनाएको छ ।
भ्रमण टोलीमा संस्कृति, पर्यटन तथा नागरिक उड्डययनमन्त्री बद्रीप्रसाद पाण्डेसमेत छन् ।
हिजो सुर्खेत पुगेका राष्ट्रपति पौडेललाई कर्णालीका प्रदेश प्रमुख यज्ञराज जोशी, मुख्यमन्त्री यामलाल कँडेल र नेपाली कांग्रेस उपसभापति पूर्णबहादुर खड्काले स्वागत गरेका थिए।
प्रदेश प्रमुख र मुख्यमन्त्रीसँगको स्वागत भेटपछि राष्ट्रपति पौडेलले सुर्खेतमा शुभेच्छुकसँग भेटघाट गरेका थिए । राष्ट्रपति पौडेल आजै काठमाडौं फर्किने कार्यक्रम छ ।
