काठमाडौं – नेपाली चलचित्र क्षेत्रका महानायक राजेश हमाल र विश्वविख्यात बौध्द गुरु योङ्गे मिङ्ग्युर रिम्पोछे बिच ऐतिहासिक संवाद हायात रिजेन्सी काठमाडौंमा भएको छ ।
उक्त संवादमा महानायक राजेश हमाल र योङ्गे मिङ्ग्युर रिम्पोछे बिच जीवन, मृत्यु, खुशी, दु:ख , पैसा, ध्यान, डर, चिन्ता, विचार, शान्ति, आदिको बारेमा बिशेष चर्चा भएको छ ।
जीवन भनेको मौषम जस्तै हो, मौषम परिवर्तन भए जस्तै मान्छेको जीवनमा पनि सुख र दु:ख आहिरहन्छ। मान्छेको दिमागमा आउने हरेक विचारलाई केलाउन सक्नु नै ध्यान हो भने केलाइएको विचारको यथार्थ बुझ्नु नै स्वतंत्रता हो । व्यक्तिका इच्छा आकांक्षाहरु असिमित हुन्छन् । कुनै समय कुनै व्यक्ति गास, बास, कपासको लागि संघर्ष गरिरहेको हुन्छ भने कतिबेला त्यही व्यक्ति संग भौतिक सुख सुविधा भएर पनि वास्तवमा त्यो व्यक्ति खुसि, सुखी हुदैन। आफ्नो असिमित इच्छा र सामाजिक सञ्जालको प्रयोगले गर्दा आधुनिक युगलाई अझै बढी संघर्षमय बनाएको उक्त संवादमा रहेको छ ।
भौतिक सुख भन्दा माथि ध्यान र आध्यात्मिक जीवनले आधुनिक जिवनमा पनि खुशी र सुखी बनाउन महत्वपूर्ण भूमिका निर्वाह गर्दछ भन्ने संवादमा रिन्पोछेले भनेका छन्।
भि एफ वाई ग्लोबल टक्सका संस्थापक दसरथ सुनारले उक्त ग्लोबल टक्स सोमा महानायक हमालले विभिन्न विश्वविख्यात व्यक्ति सद्द्गुरु र गुरु रविशंकर संग संवाद गरिसकेको र उक्त सोमा अन्य विश्वविख्यात व्यक्तिहरु संग महानायकको संवाद रहने बताए । उक्त भिडियो भि एफ वाई टक्स युट्युब च्यानल मार्फत सार्वजनिक गरिएको समेत सुनारले बताए ।
