पुष ४, काठमाडौं । कैलाली जिल्ला लम्कीचुहा नगरपालिका र मोहन्याल गाउँपालिका बिचको सिमा विवाद चर्किए सगै आमपानीको पर्यटन ब्यबसायनै धरापमा छ। केही दिनअघि लम्कीचुवा नगरपालिकाकी नगरप्रमुख सुशीला शाहीले सामाजिक सञ्जाल तथा मिडियाहरूसँग आफ्नो विवादास्पद अभिव्यक्ति राख्नुभए पछि सो विवाद झन चुलिएको हो ।उक्त अभिव्यक्तिलाई लिएर आम जनता र मोहन्याल गाउँपालिकाका अध्यक्ष देवीदत्त उपाध्यायले समेत यो विषयलाई लिएर आफ्नो असन्तुष्टि जनाउनुभएको छ।
सामाजिक सञ्जाल मार्फत मोहन्याल गाउँपालिकाका अध्यक्ष उपाध्यायले सो सम्बन्धमा ध्यान आकर्षण गराउदै विवादास्पद अभिव्यक्तिको कडा विरोध गर्नु भएको छ।साथै उहाले जिम्मेवार व्यक्तिले हल्का र गैरजिम्मेवार अभिव्यक्ति दिनु हुँदैन र फिर्ता लिनुपर्छ। सीमा विवादबारे नापी विभागको रोहबरमा निष्पक्ष र तथ्यमा आधारित सीमाङ्कन गरेर दीर्घकालीन समस्याको समाधान गरौं, एक आपसमा द्वन्द निम्त्याउने कुरा कसैले नगरौं भनी आवहान समेत गर्नु भएको बुझिएको छ।
मोहन्याल गाउँपालिका र लम्किचुवा नगरपालिकाको सीमा विवाद भने नौलो कुरा होइन। यो सीमा सम्बन्धी समस्या केही वर्षदेखि यता चर्किदै आएको देखिएको छ। मोहन्याल गाउँपालिका र लम्किचुवा नगरपालिकाले आफ्नो सिमा क्षेत्र छुट्याउन नसक्नु कमजोरी पक्ष रहेको धेरैको बुझाइ छ।
