पुष २८, कैलालि । लम्कीमा अवस्थित नवोदय बचत तथा ऋण सहकारी संस्था लिमिटेडको २२ औं वार्षिक साधारणसभा होटल सौराइमा सम्पन्न भएको छ । अध्यक्ष डिल्ली प्रसाद गड्तौलाको सभापतित्वमा भएको उक्त कार्यक्रममा सुदूरपश्चिम प्रदेशका मुख्यमन्त्री कमल बहादुर शाह प्रमुख अतिथि रहेका थिए ।
विशिष्ट अतिथिमा सुदूरपश्चिम प्रदेशसभा सदस्य टीका थापा, सुदूरपश्चिम प्रदेशका निवर्तमान मुख्य न्यायवक्ता कुलानन्द उपाध्याय, लम्कीचुहा नगरपालिका उप प्रमुख जुना चौधरी, लम्कीचुहा नगरपालिका वडा नं १ का वडा अध्यक्ष नेत्र प्रसाद खनाल, लम्कीचुहा नगरपालिका वडा नं ५ का वडा अध्यक्ष माया बिष्ट, राष्ट्रिय सहकारी बैंक सञ्चालक सदस्य शिवा थापा, लम्कीचुहा उद्योग वाणिज्य संघका अध्यक्ष पदमराज चौलागाईं, संस्थाका शेयर धनीहरू लगाएत विभिन्न सहकारी संस्थाबाट आमन्त्रीत प्रतिनिधी, समाजसेवि बुद्धिजीवीकोहरुको सहभागीता रहेको थियो ।
संस्थाका सञ्चालक समिति सदस्य मोति प्रसाद उपाध्यायले स्वागत मन्तव्य दिएका थिए भने कार्यक्रमको सञ्चालन संस्थाका सचिव गोरख बहादुर बटालाले गरेका थिए । कोषाध्यक्ष देवकी कार्कीले पेश गरेको प्रतिवेदन अनुसार सहकारी संस्थाको कुल आम्दानी ३१ लाख ९६ हजार ८७.४३ , कुल खर्च २६ लाख २ सय ६६.४ , कर अघिको नाफा ५ लाख ५६ हजार ८ सय २०.९४ , खुद नाफा ४ लाख ९९ हजार ३ सय १७.४० रुपैया भएको छ । शेयर सदस्य संख्या ६ सय १२ जना रहेका छन् । संस्थाको शेयर पुजी ६१ लाख ७० हजार रहेको कोषाध्यक्ष देवकी कार्कीले बताए ।
उक्त संस्थाले आफ्नो पछिल्लो आर्थिक वर्ष भरीमा उत्कृष्ट बचत, असल ऋणी, संस्थापक सदस्य, जेष्ठ सदस्यलाई सम्मान समेत गरिएको थियो । कार्यक्रम बोल्दै विभिन्न बक्ताहरुले वर्तमान समयमा सहकारीका समस्या, चुनौतीहरु, कारणहरु, भावि उपायहरको विषयमा आ–आफ्नो धारणा राखेका थिए । वडा नम्बर १ का वडाध्यक्ष नेत्र प्रसाद खनालले भने सम्पुर्ण सहकारीहरुले ऋण प्रवाहमा विशेष ध्यान दिर लागे मात्र उच्चता प्राप्त गर्न सकिने भन्दै सरल अर्थमा उदारणिय तवरले प्रस्ट्याएका थिए ।
प्रमुख अतिथि मुख्यमन्त्री शाहले भने सस्थालाई सुभकामना दिँदै सहकारीको नियमन, अनुगमन र सहकारीको विकासका लागि आफ्नो प्रयास जारि रहेको र थप सबल कुरालाइ समेटेर आफु अगाडि बढ्ने कार्यक्रममा बताए । 
