बैशाख २, काठमाडौं । प्रतिनिधिसभा सभामुख देवराज घिमिरेले हिउंदे अधिवेशन अबधिभर संसदमा गरिएका क्रियाकलापको ब्रिफिङ गरेका छन् ।
आईतबार प्रतिनिधिसभा संसदमा कार्यव्यवस्था परामर्श समितिको बैठकमा धारणा र निर्णयका बारे जानकारी गराउने कार्यसूचि थियो । सोहि कार्यसूचि अन्तर्गत क्रम संख्या १ देखि ७ सम्म रहेका अन्य कार्यसूचि हटाउंदै सभामुख घिमिरेले हिउंदे अधिवेशनमा हाल सम्म भएका क्रियाकलापको ब्रिफिङ गरेका छन्। प्रतिनिधिसभाको तेस्रो अधिवेशन २०८० साल माघ २२ गते सोमबार बाट प्रारम्भ भएको थियो । यस अनुसार हाल सम्म सो बैठक ७० दिन सञ्चालन भएको सभामुख घिमिरेले बताएका थिए । सभामुखले ब्रिफिङ गरेका ति १२ उपलब्धिमुलक क्रियाकलापहरु यस प्रकार छन् ।
१) संसदिय कामकार्वाहीमा लागत समय ८१ घण्टा ५५ मिनेट विताएको ।
२) फागुन ६ गते र चैत्र ६ गते प्रधानमन्त्री संग प्रत्यक्ष प्रश्नोत्तर कार्यक्रममा २६ जना सांसदले प्रधानमन्त्रीलाई सोधेको प्रश्नका जवाफ प्रधानमन्त्रीले दिएको ।
३) सभाको पहिलो बैठकमा पेस भएको आर्थिक कार्यविधि तथा वित्तिय उत्तरदायित्व पहिलो संसोधन अध्यादेश २०८० लाई मिति २०८० फागुन ६ गतेको सभाको बैठकले स्विकृत गरेको ।
४) मिति २०८० फागुन ३० गतेको बैठकमा प्रधानमन्त्री दाहालले बहुमतका साथ प्रतिनिधिसभाबाट विश्वासको मत प्राप्त गरेका ।
५) विमिस्टेक वडापत्र विमिस्टेक चार्टरलाई २०८० चैत्र २० का दिन बसेको प्रतिनिधि सभाको बैठकले अनुमोदन गरेको र अन्तराष्टिय सौर्य गठबन्धन (आइएसए) को स्थापना सम्बन्धित सम्झौता माथि समेत सामान्य छलफल भएको ।
६) २०८० फागुन १४ गतेको बैठकमा पेस भएको आर्थिक वर्ष २०८० ८१ को विनियोजन विधेयककाबारे शिद्धान्त र प्राथमिकताका आधारका सम्बन्धमा कर प्रस्ताव बाहेक २०८० चैत्र १, ५, ६ र ७ गते सभाको बैठकमा छलफल गरिएको ।
७) पांचवटा सरकारी विधेयक दर्ता भएका र ति मध्ये कतिपय विचाराधिन अवस्थामा रहेका छन् भने कतिपयको सामान्य
छलफल समाप्त गरिएको ।
८) प्रतिनिधिसभाको चालु अधिवेशनमा सांसदले गरेका ६५ वटा मौखिक र ८ वटा लिखित प्रश्नहरु मध्ये ३२ वटा लिखित र २ वटा
मौखिक प्रश्नहरुको उत्तर प्राप्त हुन आएको ।
९) प्रतिनिधिसभा महिला तथा सामाजिक मामिला समिति अन्तर्गतको महिला तथा सामाजिक मामिला समितिको वार्षिक प्रतिवेदन २०८० पेस गरिएको ।
१०) प्रतिनिधिसभा सदस्यद्धय मन्जु शर्मा अन्सारी र संविधानसभा सदस्य केशव कुमार बुढाथोकिको निधन माथि सोकशभा पारित गरिएको ।
११) सभाको आकास्मिक, शुन्य र विशेष समयमा सांसदहरुले आ- आफ्ना जिल्लाका विभिन्न घटना र समस्याहरुलाई सरकार एवं सम्वन्धित पक्षहरुको ध्यानाकर्षण गराएको ।
१२) प्रतिनिधिसभा निएमावली २०७९ को नियम १५ को उपनियम २ लागु गर्दै प्रधानमन्त्री पुष्पकमल दाहाल र उपप्रधान एवं परराष्ट्र मन्त्री नारायण काजी श्रेष्ठले २ पटक एवं खानेपानी मन्त्री महेन्द्र राय यादव र शिक्षा, विज्ञान तथा प्रविधि मन्त्री सुमना श्रेष्ठले १ पटक आकास्मिक शुन्य एवं विशेष समयमा उठेका प्रश्नहरुका जवाफ दिएका । 
