आफु नेतृत्वको सरकारले ईतिहासकै धेरै प्रकरणमा अनुसन्धान गरेको प्रधानमन्त्रीको दावी

असार २८, काठमाडौं । प्रधानमन्त्री पुष्पकमल दाहाल प्रचण्डले आफु नेतृत्वको सरकारले ईतिहासमै धेरै प्रकरणमा अनुसन्धान पुरा गरेको दावी गरेका छन् । उनले शुक्रबार संघिय संसदमा विश्वासको मत लिने प्रस्ताव पेश गर्ने क्रममा रोस्टमबाटै यस्तो दावी गरेका हुन् ।

‘नेपालको ईतिहासमा प्रहरीको अनुसन्धानबाटै यति धेरै हाईप्रोफाईलहरु कानुनको नियन्त्रणमा परेका थिए ?’ दाहालको प्रश्न थियो । दाहालले आफनै प्रश्नको उत्तर आफै दिदै नेपालको ईतिहासमा प्रहरीको अनुसन्धानबाट यति धेरै हाईप्रोफाईलहरु कानुनको नियन्त्रणमा नपरेको बताए । ‘प्रहरीले आफ्नै पुर्व  गृहमन्त्रीहरुलाई नियन्त्रणमा लिन यस बिचमा कल्पना गर्न पनि गार्हो भईसकेको थियो । उपप्रधानमन्त्री भईसकेका नेताहरु अहिलेपनि हिरासतमा छन् ,’ उनले भने । साथै दाहालले अनुसन्धानको समग्र प्रक्रिया अवधिमा आफुले पुर्ण निष्पक्षता कायम गर्ने प्रयास समेत गरेको बताए ।