साउन २१, काठमाडौं । नेकपा माओवादी केन्द्रका सांसद एवं पुर्व मन्त्री हितबहादुर तामाङले सरकारले कुलमान घिसिङलाई कार्वाही गर्न खोज्नु खेदपुर्ण रहेको जिकिर गरेका छन् । सोमबार प्रतिनिधीसभा बैठकमा कुलमान घिसिङलाई उज्यालो नेपालका सुयोग्य सारथीको संघ्या दिदै उनले यस्तो बताएका हुन् ।
सांसद तामाङले वर्तमान सरकारले विगत केहि दिन यता प्राधिकरणका महानिर्देशक घिसिङको मनोबल गिराउने, धम्कि दिने जस्ता दुव्र्यवहार गर्दै आएको बताएका छन् ।‘वर्षौदेखि कृतिम ढंगले लोडसेडिङ सृजना गरेर नेपाललाई अन्धकारयुक्त बनाईराखेको ठाउंमा लोडसेडिङ मुक्त बनाएर मुलुकलाई उज्यालो दिने, अझ नेपाल विद्युत प्राधिकरण अरबौं रुपैयां घाटामा पुर्याएर देशमा लुट मच्चाईराखेको ठाउंमा, उज्यालो नेपालका सुयोग्य सारथी कुलमान घिसिङलाई अहिले जसरी मनोबल गिराउने, धम्कि दिने र अनावस्यक रुपमा कार्वाहीको कुरा गरि राखेको छ यो ज्यादै खेद योग्य कुरा छ ,’ उनले भने ।
साथै सांसद तामाङले सरकारले उद्योगपतिहरुबाट निर्मम भएर उठाउनु पर्ने रकम समेत नउठाएर मिनाहा गराउन लागि परेको आरोप समेत लगाएका छन् ।
