काठमाडौँ । नेपालकै पहिलो एस्थेटिक अस्पताल हेल्थी च्वाइस एस्थेटिक अस्पताल र स्मार्टच्वाइस टेक्नोलोजिज लिमिटेड (SCT) बीच भएको सहकार्यअनुसार अब एससीटी–युपिआइ कार्ड प्रयोगकर्ताहरूले अस्पतालको सम्पूर्ण अफरमा थप ५% सम्मको विशेष छुट पाउने भएका छन् ।
यो अफर अन्तर्गत एससीटी–युपिआइ कार्डमार्फत भुक्तानी गर्दा ब्लड टेस्ट, छाला, कपाल र दन्तसम्बन्धी सम्पूर्ण सेवामा ५% छुट दिइनेछ । त्यसैगरी ओपीडी परामर्श, ईम्प्लान्ट, प्लास्टिक सर्जरी, कस्मेटिक गाइनोकोलोजी, सर्जिकल प्याकेज, कपाल प्रत्यारोपण, सोर्पानो हेयर रिमुभल प्याकेज तथा आउटसोर्स सेवाहरूमा २.५% छुट प्राप्त हुनेछ ।
एससीटीले हाल ५ ‘क’ वर्ग, ६ ‘ख’ वर्ग, ११ ‘ग’ वर्गका बैंकहरू र १०० भन्दा बढी सहकारी संस्थाहरूसँग सहकार्य गरिरहेको छ । ग्राहकहरूले आफ्नो नजिकको एससीटी साझेदार बैंक वा सहकारी संस्थाबाट सहज रूपमा एससीटी–युपिआइ कार्ड प्राप्त गरी यो छुटमा सहभागी हुन सक्नेछन् ।
यो सहकार्यले स्वास्थ्य सेवा पहुँचमा सहजता ल्याउनुका साथै डिजिटल भुक्तानीलाई प्रवद्र्धन गर्ने विश्वास लिइएको छ ।
