राजावादी र यातायात व्यवसायीको हडताल खप्टिँदा यस्तो देखियो कलंकी

काठमाडौं– संघीय राजधानी बाठमाडौंमा सोमबार दुईवटा हडताल खप्टिएका छन् । एकातर्फ राजावादीहरुले कमल थापाकबो गिरफ्तारीको विरोधमा उपत्यका बन्दको घोषणा गरेका छन् भने अर्कोतिर सार्वजनिक यातायात सञ्चालकहरुले पठाओ, इनड्राइभ लगायतका राइडर सेवा चलाउन नदिने भन्दै यातायात ठप्प पारेका छन् ।

हुन त शनिबारको प्रर्दशनबाट पक्राउ परेका राप्रपा नेपालका अध्यक्ष कमल थापा आइतबार नै रिहा भइसकेका छन् । तथापि राप्रपाले बन्दको घोषणा गर्दा कयौं पसलहरु खुल्न सकेनन् भने उपत्यकाका अधिकांश विद्यालयसमेत बन्द भएका छन् ।

साथमा यातायात व्यवसायीहरुको हडतालले गर्दा सडकमा सार्वजनिक यातायात चल्न नसकी सडक रित्तै देखिएको छ ।