काठमाडौं । २००४ सालमा स्थापना भई सीएको सबै तहको तयारी कक्षा सञ्चालन गर्दै आएको नेपालकै पहिलो तथा अग्रणी संस्था प्राइम सीएले आफ्नो २२ सौं वार्षिकोत्सव एवं विद्यार्थी सम्मान कार्यक्रम सम्पन्न गरेको छ । कार्यक्रममा प्राइम सीएमा अध्ययन गरी सन् २०२५ मा सिए बन्न सफल भएका विद्यार्थी, र्यांकहोल्डर विद्यार्थी, अन्य कलेजका प्राचार्य तथा बोर्डका विशिष्ट सदस्यहरूको उपस्थिति थियो ।
कार्यक्रममा प्राइम सीएका अध्यक्ष सीए नवराज बुर्लाकोटीले प्राइम सीएले आफ्नो २२ वर्षे यात्रामा विद्यार्थीहरूको निरन्तर मेहनत र विश्वास, अभिभावकको सहयोग, योग्य कर्मचारी, दक्ष तथा अनुभवी शिक्षक समूहको योगदानबाट सीएको प्रत्येक तहमा प्राइम सीएका विद्यार्थीहरूले सर्वोत्कृष्ट नतिजा हासिल गरेको बताए । यस संस्थामा अध्ययन गरेर १२ सयभन्दा बढी विद्यार्थीहरू सीए बन्न सफल भएको पनि उले बताए ।
त्यसैगरी अध्यक्ष बुर्लाकोटीले सन् २०२५ मा नेपाल बोर्डबाट सीए हुने १८७ जनामध्ये १०४ जना प्राइमका विद्यार्थी रहेको जानकारी दिए ।
सम्मानित विद्यार्थीहरुले मन्तव्य दिँदै प्राइम सीएको उच्चस्तरीय शैक्षिक वातावरण, गुणस्तरीय पाठ्यसामग्री, दक्ष व्यवस्थापन, अनुभवी तथा खारिएका स्रोत व्यक्तिहरूको सही मार्गदर्शनले आफूहरुलाई लक्ष्य प्राप्त गर्न सहज भएको बताए ।
यसै क्रममा संस्थाले आधुनिक सुविधा सम्पन्न आफ्नै भवन निर्माण गर्ने दीर्घकालीन योजना अनुरुप अहिले नयाँ बानेश्वर, काठमाडौँ र ग्वार्को, ललितपुरमा अन्तर्राष्ट्रिय स्तरको संरचना निर्माण कार्य भइरहेको र निकट भविष्यमा आफ्नै भवनबाट शैक्षिक गतिविधिहरु सञ्चालन गर्ने तयारी भइरहेको जानकारी दिइएको छ ।
