सुनको मूल्यमा आज पनि नयाँ रेकर्ड

काठमाडौं । नेपाली बजारमा सुनको मूल्यले लगातार नयाँ रेकर्ड बनाइरहेको छ ।

नेपाल सुनचाँदी व्यवसायी महासंघका अनुसार सोमबार छापावाल सुन एक लाख ६५ हजार ६ सय रुपैयाँमा कारोबार भइरहेको छ । यो मूल्य हालसम्मकै उच्च हो ।

आइतबार सुन १ लाख ६५ हजारमा कारोबार भएको थियो । यो दिन पनि सुनको भाउ ६ सय रुपेयाँले वृद्धि भएर रेकर्ड बनाएको थियो ।

त्यस्तै सोमबार चाँदीको मूल्यले पनि नयाँ रेकर्ड बनाएको छ । यस दिन चाँदी प्रतितोला २०९५ रुपैयाँ पुगेको छ । चाँदीको यो मूल्य अहिलेसम्मकै उच्च भएको नेपाल सुनचाँदी व्यवसायी महासंघले जनाएको छ । आइतबार चाँदी प्रतितोला २०७५ रुपैयाँमा काराेबार भएकाे थियो ।