५ मङ्सिर, काठमाडौं । मंगलवार जाजरकोट र रुकुम भुकम्प पुर्णनिर्माण महाअभियान घोषणा तथा सामाजिक सन्जालमा लगाएको प्रतिबन्धको बिरुद्द्मा अन्तरक्रिया कार्यक्रममा ‘ टिकटकलाई हैन, जाजरकोटलाई ध्यान दे सरकार, न्यायालय कहाँ छ ? भन्ने भनाईका साथ रिपोर्टर्स क्लव नेपालमा पत्रकार सम्मेलन गरी कार्यक्रम सम्पन्न भएको छ ।
भुकम्पले घरबास उजाड भएका र प्रियजन गुमाएका सयौ परिवारले तीन हप्ता बितिसक्दा पनि सरकारबाट पर्याप्त राहत पाउन सकेका छैनन् भने भुकम्प पछि बालबालिका, बृद्ध तथा विरामीलाई चिसोले अति सताईरहेको छ भने ती मध्य १२ जना भन्दा बढीको चिसोले कठाङग्रीएर मृत्यु भएको सामाजिक अभियान्ता खगेन्द्र सुनारले जानकारी दिए ।
भुकम्प पिडितहरुका समस्याहरूलाई कन्टेन मेकरहरुले जस्ताको त्यस्तै टिकटक तथा सामाजिक सञ्जालमा देखाएर सरकार सामु पुराए पछि सरकार डराएर अत्याचार र गैरकानूनी रुपले टिकटक प्रतिबंध गरेको हो उनले भने, जसको कारण पिडितको जानकारी, आवश्यकताको पहिचान तथा सहयोगमा सलग्न गर्ने कार्य पूर्ण रुपमा प्रभावित भएको समेत उनले बताए ।
