नेपालको अर्थतन्त्रको पछिल्लो सुचक सकारात्मक दिशा तिर छ : प्रधानमन्त्री दाहाल

फागुन ३०, काठमाडौं । प्रधानमन्त्री पुष्पकमल दाहाल प्रचण्डले पछिल्लो समय नेपालको अर्थतन्त्रको सुचक सकारात्मक दिशा तिर गईरहेको बताएका छन् । बुधबार संघिय संसदमा बिश्वासको मत माग्ने क्रममा रोष्टममा पुगेर बोलेका दाहालले यस्तो बताएका हुन् ।

दाहालले चालु आर्थिक वर्षको ७ महिनाको अवधिमा स्वधान्तर बचत रकम स्वरुप २ सय ९७ अरब, ७२ करोड रहेको दावी गरेका छन् । उनले विदेशी बिनिमय सञ्चिती पनि १९.९ प्रतिशतले वृदी भएर करिब १८ खरब ४५ करोड हाराहारीको अवस्थामा पुगेको समेत बताएका थिए । “ब्यापार घाटा १.८ प्रतिशतले घटेको छ । विगत ७ महिना यता मुद्रास्फिर्ती पनि ५.१ प्रतिशतका दरले सिमित गरिएको छ । कर्जा प्रवाह ४.७ प्रतिशतले बढेको छ ।” उनले भने ।

रोष्टमबाट विगत सात महिना यता देशमा भएको आर्थिक वृद्धीको परिणामबारे संक्षिप्तमा बताएका दाहालले आन्तरिक उत्पादन र रोजगारी वृद्धीमा भने प्रगति हुन नसकेको स्वीकारेका छन् ।